 | Songs, Carols, and other Miscellaneous Poems, from the Balliol Ms. 354, Richard Hill's Commonplace book |  |
3. Newell, newell, newell, newell,
I thank a maydyn euery dele.
1
Vpon a lady fayre & brightSo hartely I haue set my thowght,
In euery place, wher euer I light,
On her I thynk, & say right nowght.
Newell!
2
She bare Jhesum full of pite,Þat all þis world with his hond hath wrowght,
Soueraynly in mynd she is with me,
For on her I thynk, & say right nowght.
Newell!
3
Trewe love, loke þou do me right,& send grace, þat I to blis be browght;
Mary, moder moste of myght,
On the I thynk, & say right nowght.
Nowell!
4
God þat was on the rode don,Grant þat all men to blis be browght,
& to Mary I mak my mone,
For on her I thynk, & say right nowght.
Nowell!
Explicit.
| Songs, Carols, and other Miscellaneous Poems, from the Balliol Ms. 354, Richard Hill's Commonplace book | |