 | The Lay-Folks' Mass-Book |  |
When
þou þi crede þus has done,
vp-on þi fete þou stande vp sone,
for bi þis tyme, als I gesse,
þo prest bi-gynnes office of messe,
or ellis he standes turnande his boke
at þo south auter noke.
euen þen so stondande,
wolde I þat þou were þis sayande:
God, for þi godnes,
vp-on þi fete þou stande vp sone,
for bi þis tyme, als I gesse,
þo prest bi-gynnes office of messe,
or ellis he standes turnande his boke
at þo south auter noke.
euen þen so stondande,
wolde I þat þou were þis sayande:
at þo bigynnyng of þis mes,
graunt alle, þate hit shal here,
of conscience be clene & clere.
lord, saue þo prest þat hit shal say
fro temptacions to-day,
þat he be clene in dede & þoght,
þat yuel spiritis noy him noght;
þat he fulfille þis sacrament
with clene hert & gode entent.
first heghly to þin honoure,
þat souerayne is of al socoure;
& to þi modir, mayden clene,
& to þi halouse alle bi-dene.
& to alle þat heres hit, soul-hele,
helpe & grace & al kyns wele;
and to alle þate we haue in mynde,
sib (or fre)mde bi ony kynde,
go(d lo)rd, graunt hom for þis messe
of alle hore synnes forgyfnesse;
And rest & pese þat lastis ay
to cristen soules passed away:
and til vs alle þi socoure sende,
& bring vs to ioy with-outen ende.
Amen.
| The Lay-Folks' Mass-Book | |