The works of Allan Ramsay edited by Burns Martin ... and John W. Oliver [... and Alexander M. Kinghorn ... and Alexander Law] |
I. |
PATIE and PEGIE:
|
II. |
III. |
IV. |
The works of Allan Ramsay | ||
183
PATIE and PEGIE:
A SANG.
PATIE.By the delicious Warmness of thy Mouth,
And rowing Eye, which smiling tells the Truth,
I guess, my Lassie, that, as well as I
You're made for Love, and why should ye deny.
PEGIE.
But ken ye, Lad, gin we confess o'er soon,
Ye think us cheap, and syne the Wooing's done:
The Maiden that o'er quickly tines her Power,
Like unripe Fruit, will taste but hard and sowr.
PATIE.
But when they hing o'er lang upon the Tree,
Their Sweetness they may tine, and sae may ye:
Red Cheeked you completely ripe appear,
And I have thol'd, and woo'd a lang haff Year.
PEGIE.
Then dinna pou me; gently thus I fa'
Into my Patie's Arms for good and a':
But stint your Wishes to this frank Embrace,
And mint nae farrer till we've got the Grace.
184
O charming Armfou! Hence ye Cares away,
I'll kiss my Treasure a' the live lang Day;
A' Night I'll dream my Kisses o'er again,
Till that Day come, that ye'll be a' my ain.
CHORUS.
Sun gallop down the Westlin Skyes,
Gang soon to Bed, and quickly rise;
O lash ye'r Steeds, post Time away,
And haste about our Bridel-Day;
And if ye'r weary'd, honest Light,
Sleep gin ye like a Week that Night.
The works of Allan Ramsay | ||