SONG X. DEARLY DO I LOVE THEE.
CHORUS.
Come and live wi' me, lassie,
Bra lassie, bonie lassie,
Come and live me, lassie,
For dearly do I love thee.
When simmer paints the meadows gay,
And sangsters gladden bank and brae,
Amang the broom we'll sport and play,
For dearly do I love thee.
Come and live wi' me, lassie, &c.
When wintry winds bla' loud and keen,
And frownin sna's on hills are seen,
I'll screw my pipe to please my Jean,
For dearly do I love thee.
Come and live wi' me, lassie, &c.
Tho' fickle Fortune keeps me poor,
Ambition ne'er shall cross my door;
And wert thou mine I'd ask no more,
For dearly do I love thee.
Come and live wi' me, lassie, &c.
But had I gowd or had I land,
Or had I kingdoms at command,
I'd gi'e them a' to gain thy hand,
For dearly do I love thee.
Come and live wi' me, lassie,
Bra lassie, bonie lassie,
Come and live wi' me, lassie,
For dearly do I love thee.
