Ane Co[m]pendious [buik] of godlie Psalmes and spirit[uall Sangis] collectit furthe of sindrie pa[rtis of the] Scripture, with diueris utheris [balla]tis changeit out of prophaine [sangis] in godlie sangis, for [avodying of] sin and harlatrie. With [aug]mentation of sindrie [gude] and godlie Ballattis not contenit in the first editioun [by John Wedderburn] |
 |
|
|
In exitu Israell.
Psal. lxxxj.
|
 | Ane Co[m]pendious [buik] of godlie Psalmes and spirit[uall Sangis] |  |
In exitu Israell. Psal. lxxxj.
Qvhen fra Egypt departit Israell{,}And Iacobis hous fra pepill barbour sell
To Iuda Lord thow wes his Sauiour
And to Israell ane gyde and gouernour,
Quhilk quhen the se had sene, for feir it fled,
The flude Iordane ȝeid back, it was sa red.
The montainis muifit & ran athort lyke rāmis,
The hillis dansit and lichtly lap lyke lambis.
Thow swelland sey quhat muifit the to fle?
To gang abak Iordane quhat ailit the?
Quhat gart ȝow montanis lyke rāmis stert and stend?
And ȝe hillis lyke lābis loup and bend
It was the Lordis feir that maid sic reird,
And Iacobis God perturbit all the eird.
For God turnit the craig in fresche reueir.
The barrane brain Fontane water cleir,
Not vnto vs, not vnto vs, o Lord.
Bot to thy sweit promeis, and to thy word,
And to thy name be gloir allanerlie,
Quhilk keipis thy promeis faithfullie.
Thairfoir lat not our Ennemeis blaspheme
Thy Maiestie, for we may not sustene,
To heir thame say, quhair is thy grit ascence,
Thy godly help of thy magnificence.
Our God forsuith Ringis in heuin full hie.
And quhat him listis, or lykis workis he.
Thir Imagis of stock, stane, gilt with gold.
96
Thay haue a mouth can nouther say nor sing
Thair eine ar blind, and thay can se na thing.
Thay can nocht heir, thocht men do cry and ȝell.
Thair nois thirlis can nouther sauer nor smell
Thay haue handis, can nouther feill nor grope.
Thair fundyit feit cā nouther gang nor loupe
Thay can pronūce na voce furth of thair throtis.
Thay ar ouergane with mouswobs & moitis
Quha makis thame, or traistis in thair support
Ar lyke to thame in all maner of sort.
Bot thow Israel in God put thy traist,
Thy Protectour into thy myster maist.
Ȝe hous of Aaron in God put ȝour beleif
Ȝour defendar, and na man can ȝow greif.
All worschippers of God traist in his Name,
He is ȝour help, and Sauiour allane.
The Lord hes mynde and mercy vpon vs,
Will fauour vs, and bring vs to his blis.
Als feid the hous of Israel with his fude
And to the hous of Aaron will be gude.
Thow sall do weill to them that dreidis the,
Baith ȝoung & auld, quhat stait yat euer yai be
God sall augment his pepill and Incres.
And eik thair sonnes and dochteris mair & les
He is the Lord that creat heuin
And eird, with his creatures, in dayis seuin.
The heuinnis ar the Lordis habitatioun
The eird he gaue to mannis propagatioun.
The deid may not the loue amang the laue,
Nor thay that ar discendit in thair graue.
Bot we that ar on liue sall loue and sing
To God for euer vnto our lyues ending.
FINIS.
| Ane Co[m]pendious [buik] of godlie Psalmes and spirit[uall Sangis] | |