THE MAID FREED FROM THE GALLOWS—D
[_]
Skene MSS, p. 61, stanzas 19-24: taken down in the north
or northeast of Scotland, 1802-03.
1
[OMITTED]
‘O had your hand a while!
For yonder comes my father,
I'm sure he'l borrow me.
2
‘O some of your goud, father,
An of your well won fee!
To save me [frae the high hill],
[And] frae the gallow-tree.’
3
‘Ye's get nane of my goud,
Nor of my well won fee,
For I would gie five hundred poun
To see ye hangit hie.’
4
[OMITTED]
‘O had yer hand a while!
Yonder is my love Willie,
Sure he will borrow me.
5
‘O some o your goud, my love Willie,
An some o yer well won fee!
To save me frae the high hill,
And frae the gallow-tree.’
6
‘Ye's get a' my goud,
And a' my well won fee,
To save ye fra the headin-hill,
And frae the gallow-tree.’
