The Poems of Alexander Montgomerie | ||
LVIII. [ON THE SAME.]
Hou long sall I in languishing lament?Hou long sall I bot duyne, and dou not di[e?]
Hou long sall Love, but mercy, murther me?
Hou long against me sall his bou be bent?
118
Hou long sall weping blind my watrie ee?
Hou long sall baill my bed felou ȝit be?
Or vhen sall I with comfort be acquent?
Hou long sall hope be hindrit be mishap?
Hou long ȝit, Love, will thou my patience prove?
Hou long sall wo in wrechitnes me wrap?
Vp once, and my melancholie remove.
Revenge, revert, revive, revest, reveall,
My hurt, my hairt, my hope, my hap, my heall.
The Poems of Alexander Montgomerie | ||