Die Gedichte des Franziskaners Jakob Ryman | ||
LXXVI. Dulciter pangamus:
‘Te deum laudamus.’
1
Of a mayde Criste did not forsakeMankyende to take man fre to make
And into blisse with hym to take.
Te deum laudamus.
2
Alle erthily creatures, that be,Mote laude and preyse that lorde so fre,
With hert and myende to whom singe we:
‘Te deum laudamus.’
3
O perfecte god, o perfecte man,That for vs hast take woundis wan,
With hert, wille and thought, as we can,
Te deum laudamus.
4
O shaper of heuen, erthe, se and sonde,O lorde and prince of euery londe,
That hast made vs fre, that were bonde,
Te deum laudamus.
5
For thy grete gyftes manyfoldeLent to seruantis bothe yonge and olde,
The whiche thou hast create of molde,
Te deum laudamus.
6
O Criste, that thus hast take natureOf myelde Marie, that virgyne pure,
Of heuen blis to make vs sure,
Te deum laudamus.
7
O fader, o sonne, o holigoost,O thre and one, of myghtis moost,
Thy myelde seruantis, in euery coost
Te deum laudamus.
Die Gedichte des Franziskaners Jakob Ryman | ||