 | The Poems of Alexander Montgomerie |  |
LVII. [ON THE SAME.]
Vha wald behold him vhom a god so grievis?Vhom he assaild, and dantond with his [dairt,]
Of vhom he freiȝis and inflams the hairt,
Vhais shame siclyk him gritest honour givis?
Vha wald behald a ȝouth that nevir [leives,]
In vain, to folou the object of his smarte?
Behold bot me, persaiv my painfull pairt,
And the archer that, but mercy, me misch[eivis.]
Thair sall he sie vhat Resone then [can do]
Against his bou, if once he mint bot to
Compell our hairts in bondage basse to be[ir,]
Ȝit sall he se me happiest appeir,
That in my hairt the amorous heid does [lie]
Vith poysond poynt, vhairof I glore [to die.]
| The Poems of Alexander Montgomerie | |