Poems, on sacred and other subjects and songs, humorous and sentimental: By the late William Watt. Third edition of the songs only--with additional songs |
 |
 |
|
|
|
|
|
|
|
|
|
|
 | Poems, on sacred and other subjects |  |
SONG.
I ha'e cheese, and butter, and milk,
Lass, gin ye lo'e me tell me noo?
I ha'e gowd to cleed ye in silk,
But I canna come ilka day to woo.
Lass, gin ye lo'e me tell me noo?
I ha'e gowd to cleed ye in silk,
But I canna come ilka day to woo.
I ha'e a flock o' kye and sheep,
Lass, gin ye lo'e me tell me noo?
Grazin' in glens, and on hillsides steep,
But I canna come ilka day to woo.
Lass, gin ye lo'e me tell me noo?
Grazin' in glens, and on hillsides steep,
But I canna come ilka day to woo.
I ha'e bought a gaudy gowd ring,
Lass, gin ye lo'e me tell me noo?
Should your finger fit sic a thing,
Then I wouldna come ony mair to woo.
Lass, gin ye lo'e me tell me noo?
Should your finger fit sic a thing,
Then I wouldna come ony mair to woo.
I ha'e a heart that is loving and leal,
Lass, gin ye lo'e me tell me noo?
That feels nae joy like your comfort and weal,
But I canna come ilka day to woo.
Lass, gin ye lo'e me tell me noo?
That feels nae joy like your comfort and weal,
But I canna come ilka day to woo.
Laddie, I ha'e listen'd you lang,
And think it time to tell ye noo;
I will follow whare'er ye gang,
Sae ye needna come ony mair to woo.
And think it time to tell ye noo;
I will follow whare'er ye gang,
Sae ye needna come ony mair to woo.
Your bonny ring on my finger I'll string,
A' for the love I bear to you;
I'll be your bride by the sweet burn side,
And ye'll ne'er rue the day ye cam to woo.
A' for the love I bear to you;
I'll be your bride by the sweet burn side,
And ye'll ne'er rue the day ye cam to woo.
| Poems, on sacred and other subjects | |