 | Doomsday |  |
hic incipit dies iudicii et Ihesu descendente cum Michaele et
Gabriele Archangelis et Michael dicet etcetera
Michael
Svrgite All men Aryse
venite Ad judicium
Ffor now is sett þe hyȝ justyce
And hath Assygnyd þe day of dom
Rape ȝow redyly to þis grett Assyse
bothe grett and small All An sum
And of ȝour Answere ȝow now Avyse
What ȝe xal sey whan þat ȝe cum
ȝowre Ansuere ffor to telle
Ffor whan þat god xal ȝow appose
ther is non helpe of no glose
the trewth fful trewlye he wyl tose
And send ȝow to hevyn or helle.
Gabryell
Bothe pope prynce and prysste with crowne
Kynge and caysere and knyhtys kene
Rapely ȝe renne ȝour resonys to rowne
Ffor this xal be þe day of tene
Nowther pore ne ryche of grett renowne
ne all þe develys in helle þat bene
Ffrom þis day ȝow hyde not mowne
Ffor all ȝour dedys here xal be sene
Opynly in Syght
Who þat is fowndyn in deedly gylte
he were bettyr to ben hylte
in hendeles helle he xal be spylte
his dedys his deth xal dyght.
Omnes resurgentes subtus terram clamauit ha aa ha aa ha aa. Deinde surgentes dicat ha aa etcetera.
Ha aa cleue a-sundyr ȝe clowdys of clay
A-sundyr ȝe breke and lete vs pas
now may oure songe be wele-Away
þat evyr we synnyd in dedly trespas.
Omnes demones clamant
Harrow and owt what xal we say
harrow we crye owt And Alas
Alas harrow is þis þat day
to endles peyne þat vs must pas
Alas harrow and owt we crye
Omnes anime
resurgentes dicant etcetera
A mercy lorde ffor oure mysdede
And lett þi mercy sprynge and sprede
but alas we byden in drede
It is to late to Aske mercye.
Deus
Venite benedicti my bretheryn all
Patris mei ȝe childeryn dere
Come hedyr to me to myn hyȝ hall
All þo myn suterys and servauntys be
All þo ffowle wyrmys ffrom ȝow ffalle
With my ryght hand I blysse ȝow here
my blyssynge burnyschith ȝow as bryght as berall
As crystall clene it clensyth ȝow clere
All ffylth ffrom ȝow ffade
Petyr to hevyn ȝatys þou wende and goo
þe lokkys þou losyn and hem vndo
my blyssyd childeryn þou brynge me to
here hertys for to glade.
Petrus
The ȝatys of hevyn I opyn þis tyde
Now welcome dere bretheryn to hevyn i-wys
Com on and sytt on goddys ryght syde
Where myrthe and melody nevyr may mys.
Omnes saluati
On kne we crepe we gon we glyde
to wurchepp oure lorde þat mercyfful is
Ffor thorwe his woundys þat be so wyde
he hath brought us to his blys
holy lorde we wurcheppe þe.
Deus
Welcome ȝe be in hevyn to sitt
wel cum fro me xul ȝe nevyr flitt
so sekyr of blys ȝe xul be ȝitt
to myrth and joye welcum ȝe be.
Anime dampnandum
Ha Ha mercy mercy we crye and crave
A mercy lorde for oure mysdede
A mercy mercy we rubbe we rave
A help us good lord in þis nede.
Deus
How wolde ȝe wrecchis Any mercy haue
Why Aske ȝe mercy now in þis nede
What haue ȝe wrought ȝour sowle to saue
to whom haue ȝe don Any mercyful dede
Mercy for to wynne.
Primus diabolus
Mercy nay nay they xul haue wrake
And þat on here fforehed wyttnes I take
Ffor þer is wretyn with letteris blake
Opynly all here synne.
Deus
To hungry and thrusty þat Askyd in my name
mete and drynke wolde ȝe ȝeve non
Of nakyd men had ȝe no shame
ȝe wold nott vesyte men in no preson
ȝe had no pete on seke nor lame
Dede of mercy wold ȝe nevyr don
Vn-herborwed men ȝe servyd þe same
to bery the deed pore man wold ȝe not gon
These dedys doth ȝow spylle
ffor ȝoure love was I rent on rode
and for ȝoure sake I shed my blode
Whan I was so mercyfull and so gode
Why haue ȝe wrought aȝens my wylle.
2us diabolus
I ffynde here wretyn in þin fforheed
þou wore so stowte and sett in pryde
þou woldyst not ȝeve a pore man breed
but ffrom þi dore þou woldyst hym chyde.
3us diabolus
And in þi face here do I rede
þat if a thrysty man com any tyde
Ffor thrust þow he xulde be deed
drynk ffrom hym þou woldyst evyr hyde
On covetyse was all thy thought.
1us diabolus
In wratth þi neybore to bakbyte
them for to hangere was þi delyte
þou were evyr redy them to endyte
On þe seke man rewyst þou nought.
2us diabolus
Evyr-mor on Envye was All þi mende
þ[ou] woldyst nevyr vesyte no presoner
to All þi neyborys þou were vnkende
þou woldyst nevyr helpe man in daunger.
3us diabolus
The synne of slauth þi sowle xal shende
masse nore mateynes woldyst þou non here
to bery þe deed man þou woldyst not wende.
þerfore þou xalt to endles ffere
to slowth þou were ful prest.
ius diabolus
Thou haddyst rejoyse in glotonye
In dronkesheppe and in rebawdye
Vnherborwyd with velonye
þou puttyst from here rest.
2us diabolus
Sybile sclutte þou ssalte sewe
All ȝour lyff was leccherous lay
to all ȝour neyborys ȝe wore a shrewe
all ȝour plesauns was leccherous play
Goddys men ȝe lovyd but fewe
nakyd men and ffebyl of array
ȝe wolde nott socowre with a lytel drewe
nott with A thred þe soth to say
Whan they Askyd in godys name.
Omnes dampnandi
A mercy lord mekyl of myght
we Aske þi mercy and not þi ryght
not after oure dede so us quyth
we haue synnyd we be to blame.
Michael
Svrgite All men Aryse
venite Ad judicium
Ffor now is sett þe hyȝ justyce
And hath Assygnyd þe day of dom
Rape ȝow redyly to þis grett Assyse
bothe grett and small All An sum
And of ȝour Answere ȝow now Avyse
What ȝe xal sey whan þat ȝe cum
ȝowre Ansuere ffor to telle
Ffor whan þat god xal ȝow appose
ther is non helpe of no glose
the trewth fful trewlye he wyl tose
And send ȝow to hevyn or helle.
Gabryell
Bothe pope prynce and prysste with crowne
Kynge and caysere and knyhtys kene
374
Ffor this xal be þe day of tene
Nowther pore ne ryche of grett renowne
ne all þe develys in helle þat bene
Ffrom þis day ȝow hyde not mowne
Ffor all ȝour dedys here xal be sene
Opynly in Syght
Who þat is fowndyn in deedly gylte
he were bettyr to ben hylte
in hendeles helle he xal be spylte
his dedys his deth xal dyght.
Omnes resurgentes subtus terram clamauit ha aa ha aa ha aa. Deinde surgentes dicat ha aa etcetera.
Ha aa cleue a-sundyr ȝe clowdys of clay
A-sundyr ȝe breke and lete vs pas
now may oure songe be wele-Away
þat evyr we synnyd in dedly trespas.
Omnes demones clamant
Harrow and owt what xal we say
harrow we crye owt And Alas
Alas harrow is þis þat day
to endles peyne þat vs must pas
Alas harrow and owt we crye
Omnes anime
resurgentes dicant etcetera
A mercy lorde ffor oure mysdede
And lett þi mercy sprynge and sprede
but alas we byden in drede
It is to late to Aske mercye.
Deus
Venite benedicti my bretheryn all
Patris mei ȝe childeryn dere
Come hedyr to me to myn hyȝ hall
All þo myn suterys and servauntys be
All þo ffowle wyrmys ffrom ȝow ffalle
With my ryght hand I blysse ȝow here
my blyssynge burnyschith ȝow as bryght as berall
375
All ffylth ffrom ȝow ffade
Petyr to hevyn ȝatys þou wende and goo
þe lokkys þou losyn and hem vndo
my blyssyd childeryn þou brynge me to
here hertys for to glade.
Petrus
The ȝatys of hevyn I opyn þis tyde
Now welcome dere bretheryn to hevyn i-wys
Com on and sytt on goddys ryght syde
Where myrthe and melody nevyr may mys.
Omnes saluati
On kne we crepe we gon we glyde
to wurchepp oure lorde þat mercyfful is
Ffor thorwe his woundys þat be so wyde
he hath brought us to his blys
holy lorde we wurcheppe þe.
Deus
Welcome ȝe be in hevyn to sitt
wel cum fro me xul ȝe nevyr flitt
so sekyr of blys ȝe xul be ȝitt
to myrth and joye welcum ȝe be.
Anime dampnandum
Ha Ha mercy mercy we crye and crave
A mercy lorde for oure mysdede
A mercy mercy we rubbe we rave
A help us good lord in þis nede.
Deus
How wolde ȝe wrecchis Any mercy haue
Why Aske ȝe mercy now in þis nede
What haue ȝe wrought ȝour sowle to saue
to whom haue ȝe don Any mercyful dede
Mercy for to wynne.
Primus diabolus
Mercy nay nay they xul haue wrake
And þat on here fforehed wyttnes I take
Ffor þer is wretyn with letteris blake
Opynly all here synne.
376
To hungry and thrusty þat Askyd in my name
mete and drynke wolde ȝe ȝeve non
Of nakyd men had ȝe no shame
ȝe wold nott vesyte men in no preson
ȝe had no pete on seke nor lame
Dede of mercy wold ȝe nevyr don
Vn-herborwed men ȝe servyd þe same
to bery the deed pore man wold ȝe not gon
These dedys doth ȝow spylle
ffor ȝoure love was I rent on rode
and for ȝoure sake I shed my blode
Whan I was so mercyfull and so gode
Why haue ȝe wrought aȝens my wylle.
2us diabolus
I ffynde here wretyn in þin fforheed
þou wore so stowte and sett in pryde
þou woldyst not ȝeve a pore man breed
but ffrom þi dore þou woldyst hym chyde.
3us diabolus
And in þi face here do I rede
þat if a thrysty man com any tyde
Ffor thrust þow he xulde be deed
drynk ffrom hym þou woldyst evyr hyde
On covetyse was all thy thought.
1us diabolus
In wratth þi neybore to bakbyte
them for to hangere was þi delyte
þou were evyr redy them to endyte
On þe seke man rewyst þou nought.
2us diabolus
Evyr-mor on Envye was All þi mende
þ[ou] woldyst nevyr vesyte no presoner
to All þi neyborys þou were vnkende
þou woldyst nevyr helpe man in daunger.
3us diabolus
The synne of slauth þi sowle xal shende
masse nore mateynes woldyst þou non here
to bery þe deed man þou woldyst not wende.
377
to slowth þou were ful prest.
ius diabolus
Thou haddyst rejoyse in glotonye
In dronkesheppe and in rebawdye
Vnherborwyd with velonye
þou puttyst from here rest.
2us diabolus
Sybile sclutte þou ssalte sewe
All ȝour lyff was leccherous lay
to all ȝour neyborys ȝe wore a shrewe
all ȝour plesauns was leccherous play
Goddys men ȝe lovyd but fewe
nakyd men and ffebyl of array
ȝe wolde nott socowre with a lytel drewe
nott with A thred þe soth to say
Whan they Askyd in godys name.
Omnes dampnandi
A mercy lord mekyl of myght
we Aske þi mercy and not þi ryght
not after oure dede so us quyth
we haue synnyd we be to blame.
Deus
| Doomsday | |