 | The Poems of Alexander Montgomerie |  |
II. [OF THE WORKS OF GOD.]
High architectur, vondrous-vautit-rounds;Huge host of hevin in restles-rolling spheers;
Firme-fixit polis whilk all the axtrie beirs;
Concordant-discords, suete harmonious sounds;
90
Celestiall signis, of moneths making ȝeers;
Bright Titan, to the tropiks that reteirs,
Quhais fyrie flammis all chaos face confounds;
Just balanced ball, amidst the hevins that hings;
All creaturs that Natur creat can,
To serve the vse of most vnthankfull man;—
Admire ȝour Maker, only King of Kings.
Prais him, O man! His mervels that remarks,
Quhais mercyis far exceids His wondrous warks.
| The Poems of Alexander Montgomerie | |