 | The Poetry of Robert Burns |  |
MEG O' THE MILL
I
O, ken ye what Meg o' the Mill has gotten?An' ken ye what Meg o' the Mill has gotten?
A braw new naig wi' the tail o' a rottan,
And that's what Meg o' the Mill has gotten!
201
II
O, ken ye what Meg o' the Mill lo'es dearly?An' ken ye what Meg o' the Mill lo'es dearly?
A dram o' guid strunt in a morning early,
And that's what Meg o' the Mill loes dearly!
III
O, ken ye how Meg o' the Mill was married?An' ken ye how Meg o' the Mill was married?
The priest he was oxter'd, the clark he was carried,
And that's how Meg o' the Mill was married!
IV
O, ken ye how Meg o' the Mill was bedded?An' ken ye how Meg o' the Mill was bedded?
The groom gat sae fu' he fell awald beside it,
And that's how Meg o' the Mill was bedded!
| The Poetry of Robert Burns | |