 | Poems |  |
327
JANNY MERSHALL'S CANDY, O.
Chorus—
O, Janny Mershall, Janny Mershall,Janny Mershall's candy, O;
I always like to patronize
Janny Mershall's candy, O.
When going along the Nethergate,
There's nought can be so handy, O,
As dropping in to get a stick
Of Janny Mershall's candy, O.
There's nought can be so handy, O,
As dropping in to get a stick
Of Janny Mershall's candy, O.
Ye'll get a stick as straight's a rash,
A crookit ane, or bandy, O:
The grandest treat, for little cash,
Is Janny Mershall's candy, O.
A crookit ane, or bandy, O:
The grandest treat, for little cash,
Is Janny Mershall's candy, O.
The ladies fine come in the street,
Wi' dresses a' fu' dandy, O;
And weel they like their mou's to weet
Wi' Janny Mershall's candy, O.
Wi' dresses a' fu' dandy, O;
And weel they like their mou's to weet
Wi' Janny Mershall's candy, O.
There's no a lass in a' Dundee,
Frae modest dame to randy, O,
But wha wad want her cup o' tea
For Janny Mershall's candy, O.
Frae modest dame to randy, O,
But wha wad want her cup o' tea
For Janny Mershall's candy, O.
328
There's no a loon in a' the toon,
A Jeamie, Jock, or Sandy, O,
But wha wad want his piece at noon
For Janny Mershall's candy, O.
A Jeamie, Jock, or Sandy, O,
But wha wad want his piece at noon
For Janny Mershall's candy, O.
When weety winter wi' the hoast,
Is like to rive and rend ye, O,
The best o' cures, at little cost,
Is Janny Mershall's candy, O.
Is like to rive and rend ye, O,
The best o' cures, at little cost,
Is Janny Mershall's candy, O.
Some uses draps o' peppermint
To kill the smell o' brandy, O,
But, by my shuith, I'm weel content
Wi' Janny Mershall's candy, O.
To kill the smell o' brandy, O,
But, by my shuith, I'm weel content
Wi' Janny Mershall's candy, O.
Then come awa', baith great and sma',
And let your purse attend ye, O
And, while ye find a baubee in'd,
Buy Janny Mershall's candy, O.
And let your purse attend ye, O
And, while ye find a baubee in'd,
Buy Janny Mershall's candy, O.
| Poems | |