University of Virginia Library

previous section The Works of The Ettrick Shepherd
next section

Born, Laddie.

[_]

Tune—“Somebody.”

Let wine gae round, an' music play,
This is the twenty-fourth o' May!
An' on this bonny blythesome day
Our young gudeman was born, laddie.
The Esk shall dance an' Teviot sing,
The Yarrow's bonnie banks shall ring,
An' Ettrick's muse shall streek her wing,
This day that he was born, laddie.
Born, laddie! born, laddie!
Ilka e'en an' morn, laddie,
We will bless the happy day
When Charlie he was born, laddie.
May health an' happiness attend
The chief, for truth an' honour ken'd!
An' may he never want a friend
To cheer him when forlorn, laddie!
To him an' his we're a' in debt,
An' lang hae been, an' will be yet;
But may he thrive till we forget
The day when he was born, laddie!
Born, laddie, &c.
But should he stern misfortune find,
Then may he calmly call to mind,
'Tis but the lot of all mankind
That ever yet were born, laddie.
283

If pride shall e'er his bosom swell,
An' kindness frae his heart repel,
'Twill mind him, he maun die himsel',
As sure as he was born, laddie.
Born, laddie, &c.
previous section The Works of The Ettrick Shepherd
next section