University of Virginia Library

previous section Griselda
next section
263

EFFIE.

Weary, weary, the lang hours wear,
They stap to keek at me, and winna gae;
I count ilk ane o' their ticks wi' a tear,
Twalve o' the night, an' twalve o' the day.
Aince I kenned na which was the fairest,
The shimmer o' moonlight or morning's ray;
Noo I wist na which hours be the sairest,
Twalve o' the night, or twalve o' the day.
He's aff, wha's ever was months twa three,
Wi' his false fair mou', an' his steed o' the grey,
He's left me to wale what time I'll dee,
Twalve o' the night, or twalve o' the day.
264

Bonnie he was whan he fleeched my heart,—
I hadna the heart to gie' him the nay;
There wasna an hour then that saw us apart,
Twalve o' the night, or twalve o' the day.
I'd love him again an' it were to do,
Aiblins I greet that I lo'ed him sae;
There wasna time to love him enoo,
Twalve o' the night, an' twalve o' the day.
They tauld me the bee wi' his braw gold coat
Flits fair to the flower, but he winna stay:
I've muckle room noo to remind me o't,
Twalve o' the night, an' twalve o' the day.
Whisht! puir bairnie! thou'lt madden thy mammie
If thou'rt life-weary, why I am sae;
We'se gang to the grey sea, an' sleep there, my lammie,
Twalve o' the night, an' twalve o' the day.
previous section Griselda
next section