The Works of The Ettrick Shepherd Centenary Edition. With a Memoir of the Author, by the Rev. Thomas Thomson ... Poems and Life. With Many Illustrative Engravings [by James Hogg] |
1. |
2. |
3. |
4. |
The Works of The Ettrick Shepherd | ||
The Drinkin', O;
A SANG FOR THE LADIES.
Oh wae to the wearifu' drinkin', O!
That foe to reflection an' thinkin', O!
Our charms are gi'en in vain,
Social conversation's gane,
For the rattlin' o' guns an' the drinkin', O!
That foe to reflection an' thinkin', O!
Our charms are gi'en in vain,
Social conversation's gane,
For the rattlin' o' guns an' the drinkin', O!
Oh why will you ply at the drinkin', O?
Which to weakness will soon lead you linkin', O!
These eyes that shine sae bright,
Soon will be a weary sight,
When ye're a' sittin' noddin' an' winkin', O!
Which to weakness will soon lead you linkin', O!
These eyes that shine sae bright,
Soon will be a weary sight,
When ye're a' sittin' noddin' an' winkin', O!
277
For ever may we grieve for the drinkin', O!
The respect that is due daily sinkin', O!
Our presence sair abused,
An' our company refused,
An' its a' for the wearifu' drinkin', O!
The respect that is due daily sinkin', O!
Our presence sair abused,
An' our company refused,
An' its a' for the wearifu' drinkin', O!
Oh drive us not away wi' your drinkin', O!
We like your presence mair than ye're thinkin', O!
We'll gie ye another sang,
An' ye're no to think it lang,
For the sake o' your wearifu' drinkin', O!
We like your presence mair than ye're thinkin', O!
We'll gie ye another sang,
An' ye're no to think it lang,
For the sake o' your wearifu' drinkin', O!
Sweet delicacy, turn to us blinkin', O!
For by day the guns and swords still are clinkin', O!
An' at night the flowin' bowl
Bothers ilka manly soul,
Then there's naething but beblin' an' drinkin', O!
For by day the guns and swords still are clinkin', O!
An' at night the flowin' bowl
Bothers ilka manly soul,
Then there's naething but beblin' an' drinkin', O!
Gentle peace, come an' wean them frae drinkin', O!
Bring the little footy boy wi' you winkin', O!
Gar him thraw at ilka man,
An' wound as deep's he can,
Or we're ruin'd by the wearifu' drinkin', O!
Bring the little footy boy wi' you winkin', O!
Gar him thraw at ilka man,
An' wound as deep's he can,
Or we're ruin'd by the wearifu' drinkin', O!
The Works of The Ettrick Shepherd | ||