The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Exitus Brytonum. |
The Story of England | ||
Exitus Brytonum.
When þer flote to lande was leyd,Þe kyng Aleyn byfore-seid
Receyued hym wyþ gode wille,
Preynge wyþ hym to leue stille,
& alle þo þat wyþ hym wore;
While he wolde, schuld dwelle þore.
Þen was þys lond wast al left,
Moryne & hunger þe folk had reft;
Enleuen ȝer, þus wryten þey fond,
Was her no folk might tile þe lond,
But ful fewe of þe Bretons,
& also fewe of þe Saxons;
ffor al þe folk wyþ tempest vnkynde
Were slayn, þat non mighte men fynde.
The Story of England | ||