SONG
[O haud yer tongues ye sylvan elves]
1
O haud yer tongues ye sylvan elves
Yer gladness is but waes
And keep yer sangs within yer selves,
For may be better days
Another birdie sings to me
Mak's ither music vain
And fills my heart wi' sorrows glee
Till pleasure springs frae pain
Sae haud yer tongues ye sylvan elves
And keep yer singing to yer selves
2
I wish I lived in upper skies
Beyond the golden starn
Angels wi' mercy in their eyes
My secret thoughts might learn
O' for the luv of those bright een
When you war sorrows ain
Makes my e'en sick o' places green
My heart cauld as a stane
Sae haud yer tongues ye sylvan elves
And keep yer singing to yer selves
3
O Susie, Susie, why sae coy
When I am by yer side
Ye never luik ane kind reply
My simple love to guide
Sae haud yer tongues ye saucy elves
I've ither sangs to hear
And keep yer singing to yer silves
While Susie's musing here
O Susie Susie let me see
Thy ain hearts simple melodie
