 | Die Gedichte des Franziskaners Jakob Ryman |  |
L. Of thy mercy lete vs not mys,
Fili Marie virginis.
1
O king of grace and indulgence,By whome alle thyng hath existence,
Forsake not man for his offence,
Fili Marie virginis.
2
Haue mercy, lorde, haue mercy on meFor thi mercyes, that so grete be,
For why my soule dothe trust in the,
Fili Marie virginis.
3
My prayere, lorde, as swete encense,Be directed to thy presence:
Forgeve my synne and negligence,
Fili Marie virginis.
4
Thou shalt not, lorde, despise, but knowA contrite hert and meked lowe:
Lorde, fro thy face thou me not throw,
Fili Marie virginis.
217
5
With thy grace, lorde, thou vs enspire,Inflame vs with goostely desire
And of thy loue burne vs with fire,
Fili Marie virginis.
6
That we may come vnto that blis,Wherof the ioye eternall is,
Graunte vs, thou prince of alle princis,
Fili Marie virginis.
| Die Gedichte des Franziskaners Jakob Ryman | |