The Poetry of Robert Burns Edited by William Ernest Henley and Thomas F. Henderson |
I. |
2. |
III. |
THE TITHER MORN |
IV. |
The Poetry of Robert Burns | ||
THE TITHER MORN
I
The tither morn, when I forlornAneath an aik sat moaning,
I did na trow I'd see my jo
Beside me gin the gloaming.
But he sae trig lap o'er the rig,
And dawtingly did cheer me,
When I, what reck, did least expeck
To see my lad sae near me!
II
His bonnet he a thought ajeeCock'd spunk when first he clasp'd me;
And I, I wat, wi' fainness grat,
While in his grips he press'd me.
‘Deil tak the war!’ I late and air
Hae wish'd since Jock departed;
But now as glad I'm wi' my lad
As short syne broken-hearted.
105
III
Fu' aft at e'en, wi' dancing keen,When a' were blythe and merry,
I car'd na by, sae sad was I
In absence o' my deary.
But praise be blest! my mind's at rest,
I'm happy wi' my Johnie!
At kirk and fair, I 'se ay be there,
And be as canty's onie.
The Poetry of Robert Burns | ||