The Poetry of Robert Burns | ||
91
GUIDWIFE, COUNT THE LAWIN
Chorus
Then, guidwife, count the lawin,The lawin, the lawin!
Then, guidwife, count the lawin,
And bring a coggie mair!
I
Gane is the day, and mirk's the night,But we'll ne'er stray for faut o' light,
For ale and brandy's stars and moon,
And blude-red wine's the risin sun.
II
There's wealth and ease for gentlemen,And semple folk maun fecht and fen';
But here we're a' in ae accord,
For ilka man that's drunk's a lord.
III
My coggie is a haly pool,That heals the wounds o' care and dool,
And Pleasure is a wanton trout:
An ye drink it a', ye'll find him out!
92
Chorus
Then, guidwife, count the lawin,The lawin, the lawin!
Then, guidwife, count the lawin,
And bring a coggie mair!
The Poetry of Robert Burns | ||