Poems of Alexander Montgomerie And Other Pieces from Laing MS. No. 447: Supplementary Volume: Edited with Introduction, Appendices, Notes, and Glossary by George Stevenson |
Poems of Alexander Montgomerie | ||
XXV. [THE TENDER SNOW, OF GRANIS SOFT & QUHYT.]
The tender snow, of granis soft & quhyt,Is nocht so sone conswmit vith phebus heit,
As is my breist, beholding my delyte,
Pyneit vith þe presence of my lady sueit.
The surgeing seyis, with stormie streameis repleit,
Tormoylit nocht þe wandring shipis sa sair,
As absence dois torment my werie spreit,
fleitting a flocht betuixt hoip & dispair.
My cative corps consumis with cursed cair;
Mistrust & dreid hes baneist esperance,
That I am forceit to perische quhae sould mair,
& trast þe wyte vpon rememberance;
Than absence, presence, remembrance, all thre,
Torment me for hir saik eternallie.
Poems of Alexander Montgomerie | ||