The Poetry of Robert Burns :: :: University of Virginia Library

The Poetry of Robert Burns

Edited by William Ernest Henley and Thomas F. Henderson

Burns, Robert (1759-1796)

III.

IV.

Collapse All | Expand All expand section

O John, come kiss me now, now, now!
O John, my love, come kiss me now!
O John, come kiss me by and by,
For weel ye ken the way to woo!

O, some will court and compliment,
And ither some will kiss and daut;
But I will mak o' my guidman,
My ain guidman—it is nae faut!

O, some will court and compliment,
And ither some will prie their mou',
And some will hause in ither's arms,
And that's the way I like to do!

O John, come kiss me now, now, now!
O John, my love, come kiss me now!
O John, come kiss me by and by,
For weel ye ken the way to woo!