The Poetry of Robert Burns Edited by William Ernest Henley and Thomas F. Henderson |
 | I. |
| 2. |
 | III. |
TAM GLEN |
| IV. |
 | The Poetry of Robert Burns |  |
TAM GLEN
I
My heart is a-breaking, dear tittie,Some counsel unto me come len'
To anger them a' is a pity,
But what will I do wi' Tam Glen?
II
I'm thinking, wi' sic a braw fellowIn poortith I might mak a fen'.
What care I in riches to wallow,
If I mauna marry Tam Glen?
III
There's Lowrie the laird o' Dumeller:‘Guid day to you,’ brute! he comes ben.
He brags and he blaws o' his siller,
But when will he dance like Tam Glen?
85
IV
My minnie does constantly deave me,And bids me beware o' young men.
They flatter, she says, to deceive me—
But wha can think sae o' Tam Glen?
V
My daddie says, gin I'll forsake him,He'd gie me guid hunder marks ten.
But if it's ordain'd I maun take him,
O, wha will I get but Tam Glen?
VI
Yestreen at the valentines' dealing,My heart to my mou gied a sten,
For thrice I drew ane without failing,
And thrice it was written ‘Tam Glen’!
VII
The last Halloween I was waukinMy droukit sark-sleeve, as ye ken—
His likeness came up the house staukin,
And the very grey breeks o' Tam Glen!
VIII
Come, counsel, dear tittie, don't tarry!I'll gie ye my bonie black hen,
Gif ye will advise me to marry
The lad I lo'e dearly, Tam Glen.
| The Poetry of Robert Burns | |