 | [Poems from the Vernon MS] |  |
[XXVI. An orisoun to þe fyue woundes of ihesus cristus.]
Ihesus, þat diȝedest vppon þe tre
And þoledest deþ for loue of me
And for myn elder sake,
ffrom þe deuel and al his miht
Þow kepe me, boþe day and niht,
Wher I slepe or wake.
And þoledest deþ for loue of me
And for myn elder sake,
ffrom þe deuel and al his miht
Þow kepe me, boþe day and niht,
Wher I slepe or wake.
Lord, ȝif me grace to worche þi wille
And þi Comaundement to forþfille,
Þat heuene may beo my Meede.
Ihesu, bring me to þi Reste,
Þat euere wiþ-outen ende schal leste,
And help me at al my nede.
And þi Comaundement to forþfille,
Þat heuene may beo my Meede.
Ihesu, bring me to þi Reste,
Þat euere wiþ-outen ende schal leste,
And help me at al my nede.
132
Now God, þat died on þe Rode
And þer-on schedde þin herte-blode,
And of Marie was boren,
Heer me whon I to þe calle,
And let me neuere in synne falle,
Ne for my mis-dede be loren.
And þer-on schedde þin herte-blode,
And of Marie was boren,
Heer me whon I to þe calle,
And let me neuere in synne falle,
Ne for my mis-dede be loren.
Ihesu, þi fyue woundes on þe Roode
Þat þou þoledest for monnes goode,
Moot my socour be.
In þe worschipe of þi wounde
Þat þyn herte þolede in þat stounde,
A Pater noster sei we. Pater.
Þat þou þoledest for monnes goode,
Moot my socour be.
In þe worschipe of þi wounde
Þat þyn herte þolede in þat stounde,
A Pater noster sei we. Pater.
In þe worschipe of þi riht honde
Þat was woundet in þe holy londe
And nayled to þe tre,
Heere to-day my preyere,
As wis as þou bouhtest me dere
Haue Merci, lord, on me. Pater.
Þat was woundet in þe holy londe
And nayled to þe tre,
Heere to-day my preyere,
As wis as þou bouhtest me dere
Haue Merci, lord, on me. Pater.
Ihesu lord þat is so Mylde,
ffrom dedly synne þou me schilde
Boþe day and niht;
Cumforte me, Ihesu, wiþ þi sonde,
As wisliche as þi luft honde
Was nayled wiþ on-riht. Pater.
ffrom dedly synne þou me schilde
Boþe day and niht;
Cumforte me, Ihesu, wiþ þi sonde,
As wisliche as þi luft honde
Was nayled wiþ on-riht. Pater.
God, schilde my soule þat day fro care
Whon hit schal from my bodi fare;
Haue Merci, lord, on me,
As wis as I leue wel and wot
Þat on þe goode ffriday þi riht fot
Was nayled to þe tre. Pater.
Whon hit schal from my bodi fare;
Haue Merci, lord, on me,
As wis as I leue wel and wot
Þat on þe goode ffriday þi riht fot
Was nayled to þe tre. Pater.
As wis as harde to þe tre
Þi lift ffoot was nayled for me,
Graunte me þi grace,
Þat I may haue þi Ioyful reste,
Þat wiþ-outen ende schal leste,
And seo þi louely face.
Þi lift ffoot was nayled for me,
Graunte me þi grace,
Þat I may haue þi Ioyful reste,
Þat wiþ-outen ende schal leste,
And seo þi louely face.
AMEN.
Pater.
| [Poems from the Vernon MS] | |