The Poetry of Robert Burns :: :: University of Virginia Library

The Poetry of Robert Burns

Edited by William Ernest Henley and Thomas F. Henderson

Burns, Robert (1759-1796)

III.

IV.

Collapse All | Expand All expand section

For O, her lanely nights are lang,
And O, her dreams are eerie,
And O, her widow'd heart is sair,
That's absent frae her dearie!

How lang and dreary is the night,
When I am frae my dearie!
I restless lie frae e'en to morn,
Tho' I were ne'er sae weary.

When I think on the lightsome days
I spent wi' thee, my dearie,
And now what seas between us roar,
How can I be but eerie?

How slow ye move, ye heavy hours!
The joyless day how dreary!
It was na sae ye glinted by,
When I was wi' my dearie!

For O, her lanely nights are lang,
And O, her dreams are eerie,
And O, her widow'd heart is sair,
That's absent frae her dearie!