The Poetry of Robert Burns :: :: University of Virginia Library

The Poetry of Robert Burns

Edited by William Ernest Henley and Thomas F. Henderson

Burns, Robert (1759-1796)

III.

IV.

Collapse All | Expand All expand section

Lady Onlie, honest lucky,
Brews guid ale at shore o' Bucky:
I wish her sale for her guid ale,
The best on a' the shore o' Bucky!

A' the lads o' Thorniebank,
When they gae to the shore o' Bucky,
They'll step in an' tak a pint
Wi' Lady Onlie, honest lucky.

Her house sae bien, her curch sae clean
I wat she is a dainty chuckie,
And cheery blinks the ingle-gleede
O' Lady Onlie, honest lucky!

Lady Onlie, honest lucky,
Brews guid ale at shore o' Bucky:
I wish her sale for her guid ale,
The best on a' the shore o' Bucky!