![]() | The Poetry of Robert Burns | ![]() |
THENIEL MENZIES' BONIE MARY
Chorus
Theniel Menzies' bonie Mary,Theniel Menzies' bonie Mary,
Charlie Grigor tint his plaidie,
Kissin Theniel's bonie Mary!
I
In comin by the brig o' Dye,At Darlet we a blink did tarry;
As day was dawin in the sky,
We drank a health to bonie Mary.
II
Her een sae bright, her brow sae white,Her haffet locks as brown's a berry,
And ay they dimpl't wi' a smile,
The rosy cheeks o' bonie Mary.
21
III
We lap an' danc'd the lee-lang day,Till piper-lads were wae and weary;
But Charlie gat the spring to pay,
For kissin Theniel's bonie Mary.
Chorus
Theniel Menzies' bonie Mary,Theniel Menzies' bonie Mary,
Charlie Grigor tint his plaidie,
Kissin Theniel's bonie Mary!
![]() | The Poetry of Robert Burns | ![]() |