XVIII.
VPON THE DEATH OF THE RICHT WORSCHIPFULL,
VERTEOUSE AND WERY WORTHY GENTLEMAN,
THE LAIRD OF ARNESTON ȜOUNGAR
Thou, thou, quhose lovelie schaip, of all admyr'de,
In robs most rich a richer spreit attyrd;
In quhom true vertue, worth and valour schynd;
In face a Venus, and a Mars in mynd.
Too sone, (alace!) in blossome of thyn age
Thy pairt is acted on this wordlie stage.
Ȝit happie, happie thou, in earth quho lyes!
Quhose ghost triumphes in azor-volted skyes!
Lou'd qll thou liu'd, of all, all now regrait
In ȝouthes Apryle thy far vntymelie fait.
Bot ah! no eyes can render store of teares
To mourne aneugh thy losse in such ȝoung ȝeares.
Then, (worthy ȝouth,) dear to thy freinds, adieu!
Heawins have reclaimed bot qt to thame was due.
Ane Angel's place far better doth beseame the,
For this inferiour fram could no conteane the.
For quhy, (braue ȝouth,) basse earth was far wnfitt
To comprehend such beutie, grace, and wit.
S. W. M., Rowallane, Ȝoungar, 1617.
