| The Poems of Alexander Montgomerie | |
|
XXVII.
[TO THE SAME.]
I feid affectione vhen I sie his Grace,
To look on that vhairin I most delyte;
I am a liȝard, fainest of his face,
And not a snaik, with poyson him to byte;
Quhais shapes alyk, thoght fashions differ quyt:
The one doth love, the other hateth still.
Vhare some taks plesur, others tak despyte:
One shap, one subject, wishis weill and ill;
Euen so will men—bot no man judge [I will,]—
Baith loue and loth, and only bot ane thing.
I can not skan these things above my skill.
Loue vhome they lyk; for me, I loue the King,
Vhose Highnes laughed som tym for to look
Hou I chaist Polwart from the chimney [nook.]
| The Poems of Alexander Montgomerie | |
|