Instructions for Parish Priests By John Myrc [i.e. Mirk]. Edited from Cotton MS. Claudius A. II, by Edward Peacock |
 |
|
De auaricia.
|
 | Instructions for Parish Priests |  |
De auaricia.
Hast þow wylnet by couetyseWorldes gode ouer syse,
And spared nother for god ny mon
To gete þat þow fel vp-on?
Hast thow be hard and nythynge
To wythholden any thynge?
Hath any mon vp-on a wedde
Borowet at the oght in nede,
And afterward when he pay wolde,
Hast þow þenne hys wed wythholde?
For þagh he fayle of hys day,
Þow schuldest not hys wed wyþ-say.
Hast þow I-land any thynge
To haue the more wynnynge?
40
Spyrytual þynge to selle or bye?
Hast þow werkemen oght wyth-tan
Of any þynge þat þey schulde han?
Hast þow by-gylet in chafare
Any lyf in lasse or mare?
Hast þow ȝeue a fals dome
For any mede þat þe come?
Hast þow falsly be for-swore
For any þyng þow couetest ȝore?
Hast þow I-gete any thynge
Wyth fals countenans and glosynge?
Hast þow I-coueted ouer gate
Worldes worschype or any a-state?
Hast þou I-be any executour
To any frende or neghbour,
And drawe out hys gode þe tylle,
And not I-do þe dedes wylle?
| Instructions for Parish Priests | |