 | Die Gedichte des Franziskaners Jakob Ryman |  |
203
XXXVI. Nowe in this fest, thys holy fest
Saluator mundi natus est.
1
Auctor of helthe, Criste, haue in myende,That thou hast take fourme of mankyende
Of a pure virgyn beyng borne
To save mankyende, that was forlorne.
2
O brightnes and light of the fader of myght,O eternall hope of euery wight,
What prayers thy seruauntis myelde to the
Thurgh alle this worlde doth yelde, thou see.
3
This present day berith witnesse clereNow come by compas of the yere,
That thou art come fro blis an hy,
The welthe of this worlde alone onely.
4
Heven and erthe, the see and althing,That is theryn, ioyeth lawding
The fader of blis, thyne auctor of birth,
With songe of melody and myrthe.
5
And we also, that with thy bloodeBe bought ageyn vpon the roode,
For the daye of thy natiuitie
A newe songe we do singe to the.
6
Glorie mote be, good lorde, to the,That arte borne of a virgyne free,
With the fader and holy goost,
Bothe three and one, of myghtis moost.
| Die Gedichte des Franziskaners Jakob Ryman | |