University of Virginia Library

ane vthir ȝounge man wes by,
þat til andro sad prewely:
“my modir, þat oft beheld me,
had sic delyte in myn bewte,
þat scho me fandyt besily
to syne with hyr in lichory;
and for I wald nocht do hyr entent,
scho dressit me al for to schent.
for quhen woman wald do sic myse
with man, and refusit Is,
þar is no ber so fell no thra,
quhen hyr quhelpis ar tan hir fra.
Richt sa thocht scho to ger me de
Vith hyr felouny and falsed sle,
and wirk in me hyr wekit will;
þar-for scho ȝed þe Iuge till,
to plenȝe þat I sic vikitnes
wald with hyr do and foulnes.
þarfor to god for me þu pray,
þat I eschape with þe lyf away,
quhen þat I sall accusit be
falsly for sic Iniquite;
for þe day I sall appere
þe Iugis sentence for til here,
I sall for errour hald me stil.
I dar nocht answer ocht þar-till;
for þe self ded sal mar lik me
þan myn modir defamyt be.”
þan hapnyt eftir þat,
to do law þe Iuge set,
and gert þe ȝonge man son apper,
quhat his modir wald say, to her.
sanct andro went with hym als
to þat felone plant and fals,
and quhat euir scho sad hym till,
he answerit nocht, bot held hym still.
sante Andro þan, þat wist hir will,
befor þe Iuge sad hyr till:
“þu cruel and wekit wyff,
þat lyk is þe nan in lyff,
wald þu for þi lechory
ger þi son de here foulely?”
þane sad scho to þe Iuge son:
“myn barne, þat þis has me don,
to þis aldman enerthand is
to foster hym in to sic myse.”
þe Iuge, þat þan wes wrath,
gert bynd þe ȝounge man rath,
and put hym in a sek to mere,
þat was enoynt with pik and ter,
and kest hym fer in þe flud;
syne tuk Andro, quhare he stud,
and dange hym in a dongeone depe
þat he na schapit, bad to kepe,
till he hym thocht be avysment,
how he mycht hym maste turment.
as Andro on þis preson lay,
to god of hewine can he pray;
and thonnere [cam] in þat sitht-war,
þat strak till ȝerd all þat war þar;
and fyr schacht can þat samyn wyf brine,
þe pupile seand, fore hyr syne.
to sante Andro þane mad requeste,
þe puple, for þat tempaste,
and it wes cessit at his prayer sone.
and þe Iuge þan but hone
trewit in criste, and howyn was,
and al his menȝe mar and les.