The Complete Works of John Gower Edited from the manuscripts with introductions, notes and glossaries by G. C. Macaulay |
 |
 | The Complete Works of John Gower |  |
An othre thing, who that recordeth,
Lich unto this ensample acordeth,
Which in the tale of Troie I finde.
Sirenes of a wonder kynde
Ben Monstres, as the bokes tellen,
And in the grete Se thei duellen:
Of body bothe and of visage
Lik unto wommen of yong age
Up fro the Navele on hih thei be,
And doun benethe, as men mai se,
Thei bere of fisshes the figure.
And overthis of such nature
Thei ben, that with so swete a stevene
Lik to the melodie of hevene
In wommanysshe vois thei singe,
With notes of so gret likinge,
Of such mesure, of such musike,
Wherof the Schipes thei beswike
That passen be the costes there.
For whan the Schipmen leie an Ere
Unto the vois, in here avys
Thei wene it be a Paradys,
Which after is to hem an helle.
For reson may noght with hem duelle,
Whan thei tho grete lustes hiere;
Thei conne noght here Schipes stiere,
So besiliche upon the note
Thei herkne, and in such wise assote,
That thei here rihte cours and weie
Foryete, and to here Ere obeie,
And seilen til it so befalle
That thei into the peril falle,
Where as the Schipes be todrawe,
And thei ben with the Monstres slawe.
Bot fro this peril natheles
With his wisdom king Uluxes
Ascapeth and it overpasseth;
For he tofor the hond compasseth
That noman of his compaignie
Hath pouer unto that folie
His Ere for no lust to caste;
For he hem stoppede alle faste,
That non of hem mai hiere hem singe.
So whan they comen forth seilinge,
Ther was such governance on honde,
That thei the Monstres have withstonde
And slain of hem a gret partie.
Thus was he sauf with his navie,
This wise king, thurgh governance.
Confessor.Lich unto this ensample acordeth,
Which in the tale of Troie I finde.
Aliud exemplum super eodem, qualiter rex Vluxes cum a bello Troiano versus Greciam nauigio remearet, et prope illa Monstra marina, Sirenes nuncupata, angelica voce canoras, ipsum ventorum aduersitate nauigare oporteret, omnium nautarum suorum aures obturari coegit. Et sic salutari prouidencia prefultus absque periculo saluus cum sua classe Vluxes pertransiuit.
Sirenes of a wonder kynde
Ben Monstres, as the bokes tellen,
And in the grete Se thei duellen:
Of body bothe and of visage
Lik unto wommen of yong age
Up fro the Navele on hih thei be,
And doun benethe, as men mai se,
Thei bere of fisshes the figure.
And overthis of such nature
Thei ben, that with so swete a stevene
Lik to the melodie of hevene
In wommanysshe vois thei singe,
With notes of so gret likinge,
Of such mesure, of such musike,
Wherof the Schipes thei beswike
That passen be the costes there.
For whan the Schipmen leie an Ere
Unto the vois, in here avys
Thei wene it be a Paradys,
Which after is to hem an helle.
For reson may noght with hem duelle,
Whan thei tho grete lustes hiere;
Thei conne noght here Schipes stiere,
So besiliche upon the note
Thei herkne, and in such wise assote,
That thei here rihte cours and weie
Foryete, and to here Ere obeie,
And seilen til it so befalle
That thei into the peril falle,
50
And thei ben with the Monstres slawe.
Bot fro this peril natheles
With his wisdom king Uluxes
Ascapeth and it overpasseth;
For he tofor the hond compasseth
That noman of his compaignie
Hath pouer unto that folie
His Ere for no lust to caste;
For he hem stoppede alle faste,
That non of hem mai hiere hem singe.
So whan they comen forth seilinge,
Ther was such governance on honde,
That thei the Monstres have withstonde
And slain of hem a gret partie.
Thus was he sauf with his navie,
This wise king, thurgh governance.
Wherof, my Sone, in remembrance
Thou myht ensample taken hiere,
As I have told, and what thou hiere
Be wel war, and yif no credence,
Bot if thou se more evidence.
For if thou woldest take kepe
And wisly cowthest warde and kepe
Thin yhe and Ere, as I have spoke,
Than haddest thou the gates stoke
Fro such Sotie as comth to winne
Thin hertes wit, which is withinne,
Wherof that now thi love excedeth
Mesure, and many a peine bredeth.
Bot if thou cowthest sette in reule
Tho tuo, the thre were eth to reule:
Forthi as of thi wittes five
I wole as now nomore schryve,
Bot only of these ilke tuo.
Tell me therfore if it be so,
Hast thou thin yhen oght misthrowe?
Amans.
Mi fader, ye, I am beknowe,
51
Therof I may me noght excuse:
Min herte is growen into Ston,
So that my lady therupon
Hath such a priente of love grave,
That I can noght miselve save.
Opponit Confessor.
What seist thou, Sone, as of thin Ere?
Respondet Amans.
Mi fader, I am gultyf there;
For whanne I may my lady hiere,
Mi wit with that hath lost his Stiere:
I do noght as Uluxes dede,
Bot falle anon upon the stede,
Wher as I se my lady stonde;
And there, I do yow understonde,
I am topulled in my thoght,
So that of reson leveth noght,
Wherof that I me mai defende.
Confessor.
My goode Sone, god thamende:
For as me thenketh be thi speche
Thi wittes ben riht feer to seche.
As of thin Ere and of thin yhe
I woll nomore specefie,
Bot I woll axen overthis
Of othre thing how that it is.
| The Complete Works of John Gower | |