The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Hic desponsauit Guenneueram. |
The Story of England | ||
364
Hic desponsauit Guenneueram.
When Arthur hadde his lond iustised,& don als he hadde auised,
Genoyre he wedded, & mad hure quen:
Norysched wyþ Cador had scheo ben;
Sche was sire Cadores cosyn,
& born was of þe Romayns lyn,
ffor hure moder was of Romayns kynde.
So fair as scheo myght no man fynde;
Y-now scheo couþe of curtesy,
Large gyuere, & spak louely;
Of body was scheo swyþe auenaunt,
ffair contenaunced, wyþ swete semblaunt.
Alas! þey myghte non heyr haue,
Neyþer maide child, ne knaue.
The Story of England | ||