University of Virginia Library

previous section Cambridge Middle English Lyrics
next section

20. The vij vertwys Agyn the vij dedley Synys

[_]

Univ. Libr., Ee.4.35, fol. 5v.

Be meke & meylde yn hert & towng
Ayens pryd boyt olde & yong
Kepe cherite & ffle envey
hate no man yn hert preweley
Suffer thow wronge & cheyde the not
Be wer of wreth & veng the not
Be merseyfoll man & thenke where þou art
let mener weres dwell yn they hert
Kepe mesure at met & drynke at melle
ffle gloteney & wet hem not delle
Yn clenleynes kepe the chastite & chere
Be thow no lecher yn no menere
Euer werke som werk of honeste
Be neuer ygyll y consell the
These wertwys vij ffle the senysess
And then ledyt A man the wey to hewyn
previous section Cambridge Middle English Lyrics
next section