The Poems of Alexander Montgomerie | ||
XXIV. [OF THE SAME.]
A Baxters bird, a bluiter beggar borne,Ane ill heud huirsone, lyk a barkit hyde,
A saulles suinger, seuintie tymes mensuorne,
A peltrie pultron poysond vp with pryde,
101
A double deillar with dissait indeud,
A luiker bak vhare he wes bund to byde,
A retrospicien vhom the Lord outspeud,
A brybour baird that mekle baill hes breud,
Ane hypocrit, ane ydill atheist als,
A skurvie skybell for to be esheud,
A faithles, feckles, fingerles, and fals,
A Turk that tint Tranent for the Tolbuith:
Quha reids this riddill he is Sharpe forsuith.
The Poems of Alexander Montgomerie | ||