 | The Lay-Folks' Mass-Book |  |
When
þou has made þis orison,
þen shal þow with deuocion
Make þi prayeres in þat stede
for alle þi frendes þat are dede,
And for alle cristen soules sake,
swilk prayere shal þou make:
Lord, for þi holy grace,
þen shal þow with deuocion
Make þi prayeres in þat stede
for alle þi frendes þat are dede,
And for alle cristen soules sake,
swilk prayere shal þou make:
here oure prayers in þis place,
7
þat cristen soules, þate passed here
fro þis lyue þat synful esse,
þat ilk one haue part of þis messe;
for hore soules, I pray derly,
þate I shal neuen serly,
þat þis messe may be hore mede,
helpe & hele fro alkyns drede:
fader soule, moder soule, breþer dere,
Sisters soules, sib men, & oþer sere
þate vs gode wolde, or vs gode did,
or ony kyndnes vn-til vs kid;
and til alle in purgatory pyne
þis messe be mede & medicyne,
til alle cristen soules hely
graunt þi grace & þi mercy;
forgyue hom alle hor trespasse,
lese hore bondes, & let hom passe
fro al-kyns pyne and [fro] al care
In til þo ioy þat lastis euer-mare.
amen.
| The Lay-Folks' Mass-Book | |