The English and Scottish Popular Ballads :: :: University of Virginia Library

The English and Scottish Popular Ballads

Edited by Francis James Child.

Part I.

II.

III.

IV.

VI.

VII.

VIII.

IX.

Collapse All | Expand All expand section

The Wee Wee Man

THE WEE WEE MAN—D

[_]

Kinloch MSS, VII, 253. From Mrs Elder.

1

As I gaed out to tak a walk,
Atween the water and the wa,
There I met wi a wee wee man,
The weest man that ere I saw.

2

Thick and short was his legs,
And sma and thin was his thie,
And atween his een a flee might gae,
And atween his shouthers were inches three.

3

And he has tane up a muckle stane,
And thrown it farther than I coud see;
If I had been as strong as ere Wallace was,
I coud na lift it to my knie.

4

‘O,’ quo I, ‘but ye be strong!
And O where may your dwelling be?’
‘It's down in to yon bonnie glen;
Gin ye dinna believe, ye can come and see.’

5

And we rade on, and we sped on,
Till we cam to yon bonny glen,
And there we lichted and louted in,
And there we saw a dainty dame.

6

There was four and twenty wating on her,
And ilka ane was clad in green,
And he had been the king of fair Scotland,
The warst o them micht hae been his queen.

7

There war pipers playing on ilka stair,
And ladies dancing in ilka ha,
But before ye coud hae sadd what was that,
The house and wee manie was awa.