The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
The Story of England | ||
Concepcio Arthury.
Arthur, þat was so mykel of myght.In þe host was told anon,
‘Þat non wiste whider þe kyng was gon:’
His ordynaunce þey al fursok,
Þat þe kyng þe kepyng took;
Þey armed hem to make asaut,
ffor þat þey hadde of heued defaut,
& went forþ y þe morn[e] tyde;
Non for oþer wold oþer abyde;
Of bataille sette þey no right renge,
Bot ilkon forþ, þe kyng to venge.
Þen gon þey assaille boþ fer & hende.
Þe Erl ageyn þem faste ga[n] fende:
As he stod, er he lest wende,
He was schot to deþe, & made his ende.
When he was ded, his side gan slaken;
Lightly was þen þe castel taken.
The Story of England | ||