 | [Poems from the Vernon MS] |  |
[XVI. A Confessioun for necligence of þe dedes of mercy.]
Lord, I ȝelde me gulti
Þat I neuere fedde þe hungri,
Lord, as þou bede me;
I ȝaf no drinke þe þhursti,
Wiþ wille ne wiþ bodi:
Merci, lord, I crie þe.
Þat I neuere fedde þe hungri,
35
I ȝaf no drinke þe þhursti,
Wiþ wille ne wiþ bodi:
Merci, lord, I crie þe.
Þe naked, lord, I ne haue not clad
To my pouwer, as þou bad,
Nouþur wiþ dede ne wille;
Ne sek folk ne cumforted I:
Þerfore, lord, mak me sori
Þat I haue don so ille.
To my pouwer, as þou bad,
Nouþur wiþ dede ne wille;
Ne sek folk ne cumforted I:
Þerfore, lord, mak me sori
Þat I haue don so ille.
Dede bodies haue I graue non,
But heold despyt of vchon
Wher þat I hem sawe.
In myn herborwh herborwhed I non,
Pore Mon ne Pilgrym, of fflesch and bon,
To folfulle þe lawe.
But heold despyt of vchon
Wher þat I hem sawe.
In myn herborwh herborwhed I non,
Pore Mon ne Pilgrym, of fflesch and bon,
To folfulle þe lawe.
Prisones þat harde i-bounden lay,
I ne visitede hem Niht ne day:
Lord, for-ȝiue hit me,
And alle oþur wikkedhed,
Þat I may comen aftur my ded
And wonen euere, lord, wiþ þe.
I ne visitede hem Niht ne day:
Lord, for-ȝiue hit me,
And alle oþur wikkedhed,
Þat I may comen aftur my ded
And wonen euere, lord, wiþ þe.
Amen.
| [Poems from the Vernon MS] | |