Life and Songs of the Baroness Nairne With a Memoir and Poems of Caroline Oliphant the Younger: Edited by the Rev. Charles Rogers ... With a Portrait and Other Illustrations |
Life and Songs of the Baroness Nairne | ||
34
CRADLE SONG.
Ballo loo, lammy, now baloo my dear;
Now, baloo loo, lammy, ain minnie is here:
What ails my sweet bairnie? What ails it this nicht?
What ails my wee lammy? is bairnie no richt?
Now, baloo loo, lammy, ain minnie is here:
What ails my sweet bairnie? What ails it this nicht?
What ails my wee lammy? is bairnie no richt?
Baloo loo, lammie, now baloo, my dear,
Does wee lammy ken that its daddie's no here?
Ye're rockin' fu' sweetly on mammie's warm knee,
But daddie's a-rockin' upon the saut sea.
Does wee lammy ken that its daddie's no here?
Ye're rockin' fu' sweetly on mammie's warm knee,
But daddie's a-rockin' upon the saut sea.
Now hush-a-ba, lammy, now hush-a my dear;
Now hush-a-ba, lammy; ain minnie is here:
The wild wind is ravin', and mammie's heart's sair
The wild wind is ravin', and ye dinna care.
Now hush-a-ba, lammy; ain minnie is here:
The wild wind is ravin', and mammie's heart's sair
The wild wind is ravin', and ye dinna care.
Sing, baloo loo, lammy, sing baloo, my dear;
Sing, baloo loo, lammy, ain minnie is here:
My wee bairnie's dozin', it's dozin' now fine,
And oh! may its wauk'nin' be blyther than mine.
Sing, baloo loo, lammy, ain minnie is here:
My wee bairnie's dozin', it's dozin' now fine,
And oh! may its wauk'nin' be blyther than mine.
Life and Songs of the Baroness Nairne | ||