QUI SE VOLET ESSE POTENTEM. — Metrum 5
"Whoso wol ben myghti he moot daunten his cruel corages,
ne putte nat his nekke, overcomen, undir the foule reynes of
leccherie. For al be it so that thi lordschipe strecche so fer
that the contre of Ynde quaketh at thy comaundementz or at thi
lawes, and that the laste ile in the see that highte Tyle be
thral to the, yit yif thou maist nat putten awey thi foule dirke
desires, and dryven out fro the wrecchide compleyntes, certes it
nys no power that thow hast.