 | Yorkshire writers |  |
VI.
[Fadir and sone and haly gaste]
Fadir and sone and haly gaste,
Lorde, to þe I make my mone,
Stedfaste kyng of myghtes maste,
Alle-weldand gode sittand in trone:
I praye þe, lorde, þat þou þe haste
To forgyffe þat I hafe mysdone.
Lorde, to þe I make my mone,
Stedfaste kyng of myghtes maste,
Alle-weldand gode sittand in trone:
I praye þe, lorde, þat þou þe haste
To forgyffe þat I hafe mysdone.
Lorde, hafe mercy of my syne
And brynge me owte of all my care;
Euylle to doo I couthe neuer blyne,
I hafe ay wroghte agaynes þi lare;
þou rewe one me, bathe owte and In,
And hele me of my woundes sare.
And brynge me owte of all my care;
Euylle to doo I couthe neuer blyne,
I hafe ay wroghte agaynes þi lare;
þou rewe one me, bathe owte and In,
And hele me of my woundes sare.
Fadir of heuene, þat all may,
I pray þe, lorde, þat þou me lede
In stabyll trouthe þe ryghte way;
At myne Endynge, whene I sall drede,
Thi grace I aske bathe nyghte & day;
Hafe mercy now of my mysdede.
Of myne askynge say me noghte nay,
Bot helpe me, lorde, att all my nede.
I pray þe, lorde, þat þou me lede
In stabyll trouthe þe ryghte way;
At myne Endynge, whene I sall drede,
Thi grace I aske bathe nyghte & day;
Hafe mercy now of my mysdede.
Of myne askynge say me noghte nay,
Bot helpe me, lorde, att all my nede.
366
Swete Ihesu, þat for me was borne,
þou here my prayere loude and stille.
For paynes þat me ere laide be-forne,
Full ofte I syghe & wepis my fylle;
Full ofte haf I bene for-swourne,
When I hafe wroghte agaynes þi wille:
Thou late me neuer be forlorne,
Lorde, for my dedis ille.
þou here my prayere loude and stille.
For paynes þat me ere laide be-forne,
Full ofte I syghe & wepis my fylle;
Full ofte haf I bene for-swourne,
When I hafe wroghte agaynes þi wille:
Thou late me neuer be forlorne,
Lorde, for my dedis ille.
Haly gaste, I pray to the
Nyghte and day with gud entente:
In all my sorowe þou comforthe me,
Thi haly grace be to me sente,
And late me neuer bowndene bee
In dedly syne, þat I be schente;
For Marie lufe þat maydene free,
In whaym þou lyghte verraymente.
Nyghte and day with gud entente:
In all my sorowe þou comforthe me,
Thi haly grace be to me sente,
And late me neuer bowndene bee
In dedly syne, þat I be schente;
For Marie lufe þat maydene free,
In whaym þou lyghte verraymente.
I pray þe, lady meke and mylde,
þat þou pray for my mysdede,
For þe luffe of þat ilke childe
þat þou saghe one þe rude blede.
Ewire & ay haf I bene wylde,
My synfull saule es euer in drede:
Mercy, lady meke and mylde,
þou helpe me euer at all my nede.
þat þou pray for my mysdede,
For þe luffe of þat ilke childe
þat þou saghe one þe rude blede.
Ewire & ay haf I bene wylde,
My synfull saule es euer in drede:
Mercy, lady meke and mylde,
þou helpe me euer at all my nede.
Mercy, Mary maydene clene,
þou late me neuer in syne duelle;
Pray for me þat it be sene,
And schelde me fra þe fyre of helle.
Certis, lady, wele I wene
þat all my faamene may þou felle;
For-þi my sorowe to þe I mene,
With drery mode my tale I telle.
þou late me neuer in syne duelle;
Pray for me þat it be sene,
And schelde me fra þe fyre of helle.
Certis, lady, wele I wene
þat all my faamene may þou felle;
For-þi my sorowe to þe I mene,
With drery mode my tale I telle.
Be-thynke þe, lady, euer and ay
þat of womene þou beris þe flour;
For synfull mene, als I þe say,
Oure lorde hase done þe gret honour:
Helpe me, lady, so wele þou may,
þe behouse be my consailloure:
Of consaile, lady, I þe praye,
And also of helpe & of socoure.
þat of womene þou beris þe flour;
For synfull mene, als I þe say,
Oure lorde hase done þe gret honour:
Helpe me, lady, so wele þou may,
þe behouse be my consailloure:
Of consaile, lady, I þe praye,
And also of helpe & of socoure.
Nyghte and day, in wele & wa,
In all my sorowe þou comforthe me,
And be my schelde agayne my faa,
And kepe me, gyffe þi willes bee,
Fra dedly syne þat will me slaa.
Mercy, lady faire and ffree!
þou take þat þe es fallene fraa,
For thi mercy and þi pete.
In all my sorowe þou comforthe me,
And be my schelde agayne my faa,
And kepe me, gyffe þi willes bee,
Fra dedly syne þat will me slaa.
Mercy, lady faire and ffree!
þou take þat þe es fallene fraa,
For thi mercy and þi pete.
At myn Endynge þou stand by me,
Heyne when I sall founde and ffare,
Whene I sall qwake and dredfull be
And all my synnes so[r]we full sare:
Als ay my hope hase bene in the,
I pray þe, lady, helpe me þare,
For þe luffe of þe swotte tree
þat Ihesu sprede one his body bare.
Heyne when I sall founde and ffare,
Whene I sall qwake and dredfull be
And all my synnes so[r]we full sare:
Als ay my hope hase bene in the,
I pray þe, lady, helpe me þare,
For þe luffe of þe swotte tree
þat Ihesu sprede one his body bare.
Ihesu, for þat ilke harde stounde
þat þou walde one þe rude-tre blede,
At myne Endynge whene I sall founde
Hafe mercy, lorde, of my mysdede,
And helpe me þare of þe dedes wounde,
And kepe me þare at all my nede,
When dede me takes & brynges to grounde,
Lorde, þare I sall thi domes drede.
þat þou walde one þe rude-tre blede,
At myne Endynge whene I sall founde
Hafe mercy, lorde, of my mysdede,
And helpe me þare of þe dedes wounde,
And kepe me þare at all my nede,
When dede me takes & brynges to grounde,
Lorde, þare I sall thi domes drede.
For my synnes to do penance
Before my dede, lorde, graunt þou me,
And space of verray repentance,
Inwardly I beseke the.
In thi mercy es my fyaunce:
Of my foly þou hafe pete,
And of me take þou na vengeance,
Lorde, for þi debonerte.
Before my dede, lorde, graunt þou me,
And space of verray repentance,
Inwardly I beseke the.
In thi mercy es my fyaunce:
Of my foly þou hafe pete,
And of me take þou na vengeance,
Lorde, for þi debonerte.
Lorde, als þou erte full of myghte,
Whase lufe es swetteste for to taste:
My lyfe amende, my dedis þou ryghte,
For Marie lufe þe maydene chaste;
And brynge me to þat ilke syghte,
One þe to see þare Ioy es maste,
One þe to see þat Ioyfull syghte,
Fadir and Sonne and þe Haly gaste.
Whase lufe es swetteste for to taste:
My lyfe amende, my dedis þou ryghte,
For Marie lufe þe maydene chaste;
And brynge me to þat ilke syghte,
One þe to see þare Ioy es maste,
One þe to see þat Ioyfull syghte,
Fadir and Sonne and þe Haly gaste.
Amen.
Explicit.
367
| Yorkshire writers | |