The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
The Story of England | ||
De Restauracione ecclesiarum per Vortimerum.
Vortymer dide þanne restoreÞat for þem hadde any lore.
He dide kirkes reyse & make,—
Þo þat Hengist dide doun schake,—
& dide Godes seruise be songe & seyd,
Þat for þe Payens longe was leyd.
273
& he sente hider þe byschop Germeyn.
Þen com wyþ hym seint Lowys,
An holy bischop & a wys,—
Þey were sent þe londe to assoille,—
He kepte þe sege of the apostoylle.
Þyse two turned þe folk ageyn,
To Crist & to his lawe ageyn;
& manion þorow hem saued was
Þat er wer gyuen to Satanas.
Þorow hem schewed God many vertu,
Þat in þis lond dide gret pru.
The Story of England | ||