 | The Poems of Alexander Montgomerie |  |
XVII. [TO THE SAME.]
Adeu, my King, court, cuntrey, and my kin:Adeu, suete Duke, vhose father held me deir:
Adeu, companiones, Constable and Keir:
Thrie treuar hairts, I trou, sall neuer tuin.
If byganes to revolve I suld begin,
My tragedie wald cost ȝou mony a teir
To heir hou hardly I am handlit heir,
Considring once the honour I wes in.
Shirs, ȝe haif sene me griter with his Grace,
And with ȝour vmquhyle Maister, to, and myne;
Quha thoght the Poet somtyme worth his place,
Suppose ȝe sie they shot him out sensyne.
Sen wryt, nor wax, nor word is not a word:
I must perforce ga seik my fathers suord.
| The Poems of Alexander Montgomerie | |