Peter Cornclips A Tale of Real Life; With Other Poems & Songs, By Alexander Rodger |
 |
 |
|
BEHAVE YOURSEL' BEFORE FOLK. |
|
 | Peter Cornclips |  |
150
BEHAVE YOURSEL' BEFORE FOLK.
Behave yoursel' before folk,
Behave yoursel' before folk,
And dinna be sae rude to me,
As kiss me sae before folk.
Behave yoursel' before folk,
And dinna be sae rude to me,
As kiss me sae before folk.
It wadna gi'e me meikle pain,
Gin we were seen and heard by nane,
To tak' a kiss, or grant you ane;
But, gudesake! no before folk.
Behave yoursel' before folk,
Behave yoursel' before folk;
Whate'er you do, when out o' view,
Be cautious ay before folk.
Gin we were seen and heard by nane,
151
But, gudesake! no before folk.
Behave yoursel' before folk,
Behave yoursel' before folk;
Whate'er you do, when out o' view,
Be cautious ay before folk.
Consider, lad, how folk will crack,
And what a great affair they'll mak'
O' naething but a simple smack,
That's gien or taen before folk.
Behave yoursel' before folk,
Behave yoursel' before folk;
Nor gi'e the tongue o' auld or young
Occasion to come o'er folk.
And what a great affair they'll mak'
O' naething but a simple smack,
That's gien or taen before folk.
Behave yoursel' before folk,
Behave yoursel' before folk;
Nor gi'e the tongue o' auld or young
Occasion to come o'er folk.
It's no through hatred o' a kiss,
That I sae plainly tell you this,
But, losh! I tak' it sair amiss
To be sae teaz'd before folk.
Behave yoursel' before folk,
Behave yoursel' before folk;
When we're our lane ye may tak' ane,
But fient a ane before folk.
That I sae plainly tell you this,
But, losh! I tak' it sair amiss
To be sae teaz'd before folk.
Behave yoursel' before folk,
Behave yoursel' before folk;
152
But fient a ane before folk.
I'm sure wi' you I've been as free
As ony modest lass should be;
But yet, it doesna do to see
Sic freedom used before folk.
Behave yoursel' before folk,
Behave yoursel' before folk;
I'll ne'er submit again to it—
So mind you that—before folk.
As ony modest lass should be;
But yet, it doesna do to see
Sic freedom used before folk.
Behave yoursel' before folk,
Behave yoursel' before folk;
I'll ne'er submit again to it—
So mind you that—before folk.
Ye tell me that my face is fair;
It may be sae—I dinna care—
But ne'er again gar't blush sae sair
As ye hae done before folk.
Behave yoursel' before folk,
Behave yoursel' before folk;
Nor heat my cheeks wi' your mad freaks,
But ay be douce before folk.
It may be sae—I dinna care—
But ne'er again gar't blush sae sair
As ye hae done before folk.
Behave yoursel' before folk,
Behave yoursel' before folk;
Nor heat my cheeks wi' your mad freaks,
But ay be douce before folk.
153
Ye tell me that my lips are sweet,
Sic tales, I doubt, are a' deceit;
At ony rate, it's hardly meet
To prie their sweets before folk.
Behave yoursel' before folk,
Behave yoursel' before folk;
Gin that's the case, there's time and place,
But surely no before folk.
Sic tales, I doubt, are a' deceit;
At ony rate, it's hardly meet
To prie their sweets before folk.
Behave yoursel' before folk,
Behave yoursel' before folk;
Gin that's the case, there's time and place,
But surely no before folk.
But, gin ye really do insist
That I should suffer to be kiss'd,
Gae, get a licence frae the priest,
And mak' me yours before folk.
Behave yoursel' before folk,
Behave yoursel' before folk;
And when we're ane, baith flesh and bane,
Ye may tak' ten—before folk.
That I should suffer to be kiss'd,
Gae, get a licence frae the priest,
And mak' me yours before folk.
Behave yoursel' before folk,
Behave yoursel' before folk;
And when we're ane, baith flesh and bane,
Ye may tak' ten—before folk.
| Peter Cornclips | |