 | The Lay-Folks' Mass-Book |  |
Loke
pater noster þou be sayande,
I-whils þo preste is priuey prayande.
þo prest wil after in þat place
Remow him a litel space,
To he come til þo auter myddis;
stande vp þou, als men þe biddis,
hert & body & ilk a dele,
take gode kepe & here him wele:
þen he bygynnes per omnia,
And sithen sursum corda;
At þo ende sayes sanctus thryese,
In excelsis he neuens twyese.
Als fast als euer þat he has done,
loke þat þou be redy sone,
and saye þese wordis with stille steuen
priuely to god of heuen:
In world of worlds with-outen endyng
I-whils þo preste is priuey prayande.
þo prest wil after in þat place
Remow him a litel space,
To he come til þo auter myddis;
stande vp þou, als men þe biddis,
hert & body & ilk a dele,
take gode kepe & here him wele:
þen he bygynnes per omnia,
And sithen sursum corda;
At þo ende sayes sanctus thryese,
In excelsis he neuens twyese.
Als fast als euer þat he has done,
loke þat þou be redy sone,
and saye þese wordis with stille steuen
priuely to god of heuen:
þanked be Ihesu, my kyng.
Al my hert I gyue hit þe,
grete right hit is þat hit so be;
with al my wille I worship þe,
Ihesu, blessid mot þou be;
with al my hert I þank hit þe,
þo gode þat þou has don to me.
Swete Ihesu, graunt me now þis,
þat I may come vn-to þi blis,
þere with aungels for to syng
þis swete song of þi louyng,
sanctus: sanctus: sanctus.
Ihesu graunt þat hit be þus.
Amen.
| The Lay-Folks' Mass-Book | |