The Poetry of Robert Burns | ||
182
ELECTION BALLAD FOR WESTERHA'
Up and waur them a', Jamie,
Up and waur them a'!
The Johnstones hae the guidin o't:
Ye turncoat Whigs, awa!
Up and waur them a'!
The Johnstones hae the guidin o't:
Ye turncoat Whigs, awa!
I
The Laddies by the banks o' NithWad trust his Grace wi' a', Jamie;
But he'll sair them as he sair'd the King—
Turn tail and rin awa, Jamie.
II
The day he stude his country's friend,Or gied her faes a claw, Jamie,
Or frae puir man a blessin wan—
That day the Duke ne'er saw, Jamie.
III
But wha is he, his country's boast?Like him there is na twa, Jamie!
There's no a callant tents the kye
But kens o' Westerha', Jamie.
183
IV
To end the wark, here's Whistlebirk—Lang may his whistle blaw, Jamie!—
And Maxwell true, o' sterling blue,
And we'll be Johnstones a', Jamie.
Up and waur them a', Jamie,
Up and waur them a'!
The Johnstones hae the guidin o't:
Ye turncoat Whigs, awa!
Up and waur them a'!
The Johnstones hae the guidin o't:
Ye turncoat Whigs, awa!
The Poetry of Robert Burns | ||